13:55 14 января 2019 г.
Январь уйăхĕн 14-мĕшĕнче Шоркино яленĕче пурăнакан Нина Михайловна Семенова хăйĕн çуралнă кунне паллă турĕ - вăл 90 çул тултарчĕ. Çав кун ăна тăванĕсем - пĕлĕшĕсемпе кỹршисем саламларĕç. Ял тăрăхĕн администрацийĕн пуçлăхĕ Лидия Спиридонова тыл ĕçченне Раççей Федерацийĕн Президенчĕн В.Путинăн тата район администрацийĕн пуçлăхĕн А.Л.Софроновăн саламлă çырăвĕсене вуласа пачĕ,тата Ĕтĕрнери шалти ĕçсен пайĕнче тăрăшакан Алексей Антипов, çирĕп сывлăх, вăрăм кунçул, телей, тăнăç тата канлĕ ватлăх, çывăх тăванĕсем енчен тимлĕх тата пархатарлăх сунчĕç. Ĕç ветеранĕ паянхи кун та уйрăм кил-çуртра пĕччен пурăнма вăй-хал çитерет. Упăшки нумай çул каялла пурнăçран уйрăлса кайнă Нина Михайловăн, паллах Шупашкарта пурăнакан çывăх тăванĕ Таисия Ивановна Захарова пăхсах тăрать. Тĕрĕссипе, çак кинемее 90 çула çитнĕ тесе никам та калаймасть. Вăл халĕ те килти ĕçсене хăех пурнăçлать. Тивĕçлĕ канăва тухиччен Нина Михайловна вырăнти хуçалăхра ĕçленĕ. Ялти нимĕнле ĕçрен те пăрăнса тăман. Ĕçе юратни, яланах хускални май парать те ĕнтĕ ăна нумай çул пурăнма.
Мочарский территориальный отдел Ядринского муниципального округа Чувашской Республики