11:18 09 января 2019 г.
Кăрлач уйăхĕн 7-мĕшĕнче Çĕнĕ Ишпуçĕнче пурăнакан Волкова Нина Сергеевна 90 çул тултарчĕ.
Çăмăл пулман унăн кун-çулĕ. Ачаллах йывăр ĕçе кÿленме тивнĕ. Вăрçă пуçлансан аслисемпе танах уй-хирте ĕçленĕ, Канаша тырă лавĕсемпе çÿренĕ. Вăрçă хыççăн Çĕнĕ Ишпуçĕнче çуралса ÿснĕ Волков Ефрем Петровичпа çемье тĕвĕленĕ, 8 ача çуратса ÿстерсе тĕрĕс çул çине тăратнă.
Çак савăнăçлă кун Волкова Нина Сергеевнăн килне ачисемпе мăнукĕсем, кĕрÿшĕсемпе кинĕсем, çывăх çыннисем пуçтарăнчĕç, ăна чаплă юбилейпе саламларĕç. Сăмах майăн, Нина Сергеевнăн 19 мăнук, 32 кĕçĕн мăнук. Юбилей ячĕпе хисеплĕ ватăна ял тăрăхĕн пуçлăхĕ Григорий Куклов тата ЗАГС пайĕн пуçлăхĕ Валентина Новикова саламларĕç, хаклă парне парса чысларĕç.
Чутеевский территориальный отдел