13:36 03 августа 2017 г.
Ҫурла уйãхẽн 10-мẽшẽнче Анатолий Кибеч (Анатолий Ильич Ефимов) çыравçã çуралнãранпа 80 çул çитет. Ҫав ятпа Апакаси ял библиотекинче кẽнекесен куравẽ йẽркеленẽ.
Анатолий Кибеч паллã тẽпчевçẽ, хãюллã публицист, чãвашлãх çинчен çырнã нумай статья авторẽ. Ҫавãнпекех вãл нумай сãвãсен авторẽ. Унãн сãввисемпе кẽвẽленẽ нумай-нумай юрãсене халãх юратса юрлать.
Ҫавãнпекех Анатолий Кибеч чãваш халãхẽ юратса вулакан нумай кẽнеке авторẽ. Унãн «Чẽлхесẽр пике», «Шартлама», «Юратусãр телей çук» кẽнекисем вулакансен аллинчен татãлмаççẽ.
Ҫак кунсенче ял библиотекин фончẽ авторãн çẽнẽ кẽнекипе пуянланчẽ. Ку вãл - сãвãлла çырнã «Кашни çын вãл – хãй тẽнче» роман-хроника. Уйрãм герой пурнăçẽ тãрãх хальхи самана аталанăвẽ курãнать. Ҫẽнẽ кẽнекене библиотекãна Ҫẽрпӱ ентешлẽхẽн ертӱҁи, алãксем тãвакан «Гармония» фабрикãн директорẽ Сергей Порфирьев парнелерẽ. Пурне те ҁẽнẽ кẽнекепе тата куравпа паллашма чẽнетпẽр.
МБУК "Районный центр развития культуры и библиотечного обслуживания" Межпоселенческая районная библиотека Цивильского района