18:36 12 мая 2017 г.
Ярапайкассинче пурăнакан 81 çул тултарнă Александрова Лидия Даниловна патĕнче çу уйăхĕн 11-мĕшĕнче Чăваш телевиденийĕ хăнара пулчĕ. Авалхи технологиллĕ пир-авăр ĕçĕ кăсăклантарнă вĕсене. Паян, çу уйăхĕн 12-мĕшĕнче, чăваш телевиденийе хыпарсен ярăмĕнче çак тĕлĕнтермеш япала пирки сюжет кăтартрĕ.
Килнĕ куннех пултаруллă журналист Марина Карягина хăйĕн фейсбук страници çинче сăнÿкерчĕксемпе пĕрле ак çапла хыпар лартнă:
«Паян Муркаш районĕнчи Ярапайкассинче ĕлĕкхи ĕç йăли-йĕркине ÿкертĕмĕр: пир тĕртни, çип пĕтĕрни, пир çапни т.ыт.те... Пире кăтартассишĕн туса кăтартмарĕç çак ĕçсене ялти кинемисем, Лидия Даниловна Александрова, сăмахран, хĕлĕн-çăвĕн çип хатĕрлесе пир тĕртет.» Ярапайкасси - аваллăх управçи тесе калать Марина Карягина.
Пир тĕртнине ÿкернĕ çĕртре Ярапай тăрăхĕнчи «Екрем» фольклор ушкăнĕ те хутшăнчĕ. Мĕнле аван авалхи йăла-йĕркесемпе мешехе сыхланса пыни.
Территориальный отдел "Ярабайкасинский" Управления по благоустройству и развитию территорий Моргаушского муниципального округа Чувашской Республики