14:14 12 января 2018 г.
Пичет ĕçĕн хисеплĕ ĕçченĕсем, çак ĕçĕн ветеранĕсем, хаçат тусĕсемпе вулакансем!
Сире пурне те Раççей Пичечĕн тата çывхарса килекен Чăваш Пичечĕн кунĕсемпе чун-чĕререн саламлатпăр.
Сирĕн ĕç питĕ яваплă. Эсир районта пулса иртекен ĕçсем çинчен районта пурăнакансене каласа паратăр. Çĕнĕ хыпарсене вулакансем патне вăхăтра çитернипе пĕрлех лару-тăрăва тĕрĕс тата пур енлĕн çутатса пама тăрăшатăр. Çивĕч ыйтусене хускатнипе пĕрлех ыттисемшĕн ырă тĕслĕх пулса тăракансемпе малта пыракан опытпа паллаштаратăр.
Эсир малашне те хăвăрăн тивĕçĕре чун-чĕре хушнă пек пурнăçласса, район пурнăçне туллин çутатса тăрасса шанатпăр. Район хаçачĕ интереслĕрех те интереслĕрех пулса пытăр, вулакансен йышĕ те хушăннăçемĕн хушăнсах пытăр.
Пурсăра та çирĕп сывлăх, телейлĕ вăрăм кунçул, ĕçре ăнăçу сунатпăр.
Район пуçлăхĕ – депутатсен районти
Пухăвĕн председателĕ И.В. Николаев.
Район администрацийĕн пуçлăхĕ Р.Н. Тимофеев.
Моргаушский район Чувашской Республики