Поздравление администрации Урмарского района с Днем Республики
Хисеплĕ ентешсем, район çыннисем!
Чăваш Республикин кунĕ ячĕпе ăшшăн саламлатăп.
Çĕртме уйăхĕн 24-мĕшĕнче Чăваш Ен халăхĕ Республика кунне уявлать. Çак кун - паллă та пĕлтерĕшлĕ пулăм, халиччен тунă ĕçсене хакламалли тата малашлăх аталанăвĕн тĕллевĕсене тишкермелли тапхăр.
Чăваш Республикинче тĕрлĕ нациллĕ халăх пурăнать. Пирĕн пĕр-пĕрин хушшинчи туслăха шанчăклăн упраса, пĕрлĕхе çирĕплетсе, алла-аллăн тытăнса тăван республикăна ăс-хакăл енчен, экономика тĕлĕшĕнчен тата вăйлатма тăрăшмалла.
Уяв ячĕпе саламласа пурне те çирĕп сывлăх, телей, палăртнă ĕçсене пурнăçлама иксĕлми вăй-хал сунатăп!
Вăрмар район
администрацийĕн пуçлăхĕн
ĕçĕсене пурнăçлаканĕ Н.А. Павлов