08:23 14 апреля 2023 г.
Ака уйăхĕн 13-мĕшĕнче Йĕпреç муниципалитет округĕн чăваш чĕлхипе литература вĕрентекенĕсен пĕрлешĕвĕ, Чăваш наци конгресĕн вырăнти уйрăмĕ Раççей Федерацийĕн Вĕрентекен тата вĕрентӳçĕ çулталăкне, Чăваш Республикин Телейлĕ ачалăх çулталăкне, Иван Яковлев çуралнăранпа 175 çул çитнине халалласа «Чăваш чĕлхипе литератури. Уçă урок тата класс тулашĕнчи чи лайăх ĕç» район шайĕнчи 9-мĕш фестиваль ирттерчĕ.
Мероприятие вĕрентекенсем активлă хутшăнчĕç: чĕлхепе, литературăпа ăсталăх урокĕсем ирттерчĕç. Вĕрентекенсем урокĕсене Иван Яковлевич Яковлев ĕçĕ-хĕлĕпе, пурнăçĕпе пултарулăхĕн тапхăрĕсемпе çыхăнтарчĕç. Александрова Наталия тата Никифорова Галина вĕрентекенсемпе класс тулашĕнчи ĕç: тупăшу-вăйă “Паян пирĕн 5 урок“ ирттерчĕç. Вĕрентекенсем 2 ушкăна пайланса тупăшрĕç. „Кану вахăтĕнче“ 10,11 классенче вĕренекен каччăсемпе хĕрсем юрă-ташăпа савăнтарчĕç.
Фестиваль Хурамал шкулĕнче чăннипех те чăвашлăхшăн çунса тăракан, ăна упраса хăварассишĕн тăрашакан вĕрентекенсемпе вĕренекнсем пулнине çирĕплетсе пачĕ.
Фотоальбом
Новочурашевское сельское поселение Ибресинского района