14:36 18 мая 2022 г.
Муркаш районĕн« Çĕнтерÿ ялавĕ» хаçачĕпе паллашма тÿр килчĕ. Кÿршĕ хĕрĕ Муркаша качча кайнăскер райхаçатра Упакасси çинчен çырнине вуласан пире те паллашма хыпара илсе килчĕ. Ара, пирĕн ял çинчен виçĕ сăмахпа пулин те ырăпа асăннă. Ку хаçатра Н. Николаева çырнă «Кăмалĕ çирĕп, пултарулăхĕ тĕрлĕ енлĕ» статьяра автор Алексей Петрович Скворцов çинчен çырать. Вăл Муркаш районĕнче Хорнай ялĕнче пурăнать. «Тавракурăмĕ анлă, анчах çав вăхăтрах шÿтлесе те йĕплесе калаçма пултарать вăл. Хăйпе юнашар çынсенче лайăх енсене асăрхаса хаклама пĕлет. Тавракурăме анлă, камăлĕ çирĕп, пултарулăхĕ те тĕрлĕ енлĕ…» çапла санласа парать Н. Николаева Алексей Петровича.
Алексей Петровичăн ĕç стажĕ Пысак Упакасси шкулĕнче пуçланнă. Кунта ăна 1969 çулта август уйăхĕнче вăтам шкула ĕçлеме янă. Çакăнта Алексей Петровичăн пурнăç шкулĕ пуçланнă та ĕнтĕ. «Çав вăхăта яланах ырăпа аса илетĕп. Ахальтен мар Совет Çарĕнче хĕсметре тăнă хыççăн та эпĕ çак шкулах ĕçленме таврăнтăм, мĕншĕн тесен çав шкул, çав туслă коллектив мана «ÿстерчĕ» Астăватăп, ĕçлеме пуçланă хыççăнах çĕнĕ вĕренÿ çулĕ умĕн шутлă кунсем кăна юлнăччĕ, кĕтмен çĕртен директорăн вĕренÿ енĕпе ĕçлекен çумĕ пулма çирĕплетрĕç. ..».
Паянхи кун Алексей Петровича аса илекенсем вара чылайăн ялта. Пĕрле ĕçленĕ Елена Васильевна Петрова хаçатри статьяна вуласан кăмăлĕ çĕкленнине пĕлтерчĕ. Пĕр вăхăталла Пысăк Упакасси шкулне вĕсем çамрăк учительсем ĕçлеме килнĕ . Шкул ĕçĕпе çеç лăпланман çăмрăк педагогсем, ял халăхĕ валли чылай концертсем, чăваш спектакăлĕсене анăçлă вылянă. Валентина Романова вара хăй епле астунине каласа пачĕ: «Физика урокĕсем питĕ интерслĕ иртетчĕç. Алексей Петровича пĕр сăмахне сиктермесĕр тăнлаттăмăр, куç илмесĕр ун çине пăхаттăмăр. Ялта КВН сем йĕркелетчĕç . Уйрăмах вăл юрланă юрă паянхи пекех асра « Снежные сибирские белые поля. Сердцу с детства близкая русская земля …»». Кунта пирĕн ентеш Виталий Родионов çырнă юрă йĕркисене те кĕртсен йăнăш пулас çук «…Çакăнтах пĕрремĕш юрату та, куççульлĕ уйрăлусем ».
Алексей Петрович пурнăçра пысăк çитĕнÿсем туса «Чăваш Республики умĕнче тава тивĕçлĕ ĕçсем тунăшăн» орден медалĕпе тивĕçлĕ пулни, «Чăваш автономине йĕркеленĕренпе – 100 çул» медаль илни те Упакасси çыннисене савăнтарать. 75 çулхи çавра çуралнă кунĕпе салам сăмахĕсене калас килет пурин ячĕпе те: вăл пĕрле ĕçленĕ ĕçтешĕсенчен тата хăй вĕрентнĕ вĕренекенĕсенчен те. Ырă çын хăй хыççăн ырă йĕр хăварать. Чылаях та ĕçлемен Упакасси шкулĕнче, анчах та çав кĕске вăхăтра Алексей Петрович хăй çинчен пирĕн ял çинче ырă ят хăварма пултарчĕ.
Большеабакасинский территориальный отдел Ибресинского муниципального округа