11:32 18 апреля 2022 г.
Пурнăç чĕлхесĕр пулмасть, чăваша вырăс чĕлхипе пурнăç тутараймăн, чăваша чăваш чĕлхи кирлĕ. Пур-ха вăл. Вăл кăна мар, Чăваш чĕлхи кунне те уявлатпăр.
Пысак Упакасси ял вулавăшĕнче чăваш чĕлхине юратакансем «Чăваш сăмахĕ янăратăр, юрри – кĕвви шăрантăр» ятпа литература каçне пуçтарăнчĕç. Калаçу , паллах, чаваш чĕлхин аталанăвĕ, пуласлăхĕ тавра пулчĕ. Библиотека ĕçченĕ Людмила Семенова чăваш патриархĕ Иван Яковлевич Яковлевăн кун – çулĕпе, унăн ĕçĕсемпе паллаштарчĕ. Ялти таврапĕлÿçĕ Нина Ерилеева Иван Яковлевичпа пирĕн ентеш Митрофан Дмитриев çывăх пĕлĕшсем пулни çинчен пĕлтерчĕ. Вулавăш тусĕсем Валентина Романовăпа Людмила Михайлова Стихван Шавлын шÿтлĕ «Ваççа» ятлă сăввине инсценировка туса кăтартрĕç. Ялти культура çурчĕн илемлĕх ертÿçи Ростислав Михайлов чăваш кĕввисене хут купăспа вылса савăнтарчĕ. Пурте пĕрле пуçтарăннисем авлхи чăваш юррисене янравлăн юрларĕç.
Большеабакасинский территориальный отдел Ибресинского муниципального округа