16:31 21 октября 2020 г.
Чӑваш кӗнеке издательстви чӑваш шкулӗсенчи 9-мӗш классем валли ҫӗнӗ вӗренӳ кӗнекисем кӑларнӑ. «Чӑваш чӗлхи» кӗнекин авторӗсем Ю.М.Виноградов, А.С.Егорова, Л.Г.Петрова, «Тӑван литература» кӗнекин авторӗсем В.П.Станьял, Е.А.Майков, О.А.Вишнева, Г.Л.Никифоров ҫырса-пухса хатӗрленӗ кӗнекесем тинех шкулсене те ҫитрӗҫ.
Вӗренÿ кӗнекине пӗтӗмӗшле пӗлÿ паракан вӗренÿ организацийӗсенче усӑ курма Федерацин патшалӑх вӗренÿ стандарчӗпе тата 5-9-мӗш классен ятарлӑ тӗслӗх программипе килӗшÿллӗн хатӗрленӗ.
Аслӑ Елчӗкри Г.Н.Волков ячӗллӗ пӗтӗмӗшле пӗлÿ паракан вӑтам шкулти Н.З.Хушкинӑпа Л.Г.Адюкова чӑваш чӗлхипе литературине вӗрентекенсем ҫак вӗренÿ кӗнекипе паллашнӑ май унти ҫӗнӗ хайлавсене те тишкерчӗҫ. Вӗренÿ кӗнеки тӑххӑрмӗш класс ачисене тарӑн пӗлÿ илме пулӑшатех.
МБОУ "Большеяльчикская СОШ им.Г.Н.Волкова" Яльчикского района
Большеяльчикский территориальный отдел Яльчикского муниципального округа