09:01 01 октября 2020 г.
Хисеплĕ ветерансем, аслă ăру çыннисем!
Сире пурне те Ватă çынсен кунĕ ячĕпе ăшшăн саламлатпăр.
Эсир мĕн пĕчĕкренех ĕçре пиçĕхсе ÿснĕ. Тивĕçлĕ канăва тухичченех, ун хыççăн та тăван тăрăх кунран кун вăйлăрах та çирĕпрех пултăр тесе чунтан тăрăшса вăй хунă. Паян та эсир хăвăрăн ял тăрăхĕнче, районта иртекен тĕрлĕрен мероприятисене хастар хутшăнатăр. Пире тĕрлĕ сĕнÿсем парса та пулăшатăр. Çитĕнекен ăрăва тĕрĕс воспитани парас ĕçре те сирĕн тÿпе пысăк.
Хаклă çыннăмăрсем! Эсир пирĕншĕн пуриншĕн те ырă тĕслĕх пулса тăратăр. Тавах сире пархатарлă ĕçĕршĕн, чун-чĕре çирĕплĕхĕпе ăшă кăмăлăршăн. Паянхи мирлĕ пурнăçшăн эпир сирĕн умăрта çĕре çити пуç таятпăр.
Кунçулăр вăрăм та телейлĕ, сывлăхăр çирĕп пултăр. Ватлăхăр канлĕ килтĕр. Çумра яланах çывăх çынсем пулччăр.
Хирти Сĕнтĕр ял тăрăхĕн администрацийĕ
Полевосундырский территориальный отдел Управления благоустройства и развития территорий администрации Комсомольского муниципального округа Чувашской Республики