15:14 04 августа 2015 г.
Августăн 1- мĕшĕнче, Вăрман-Çĕктер ял тăрăхĕнчи Малти Ункăпуç ялĕ, хăйĕн 160 çулхи юбилейне паллă турĕ. Уяв, çумăра пула çĕнĕ клубра иртрĕ. Малти Ункăпуç ялĕ çинчен, истори наукисен докторĕ, профессор Василий Димитриев хăйĕн статьинче çырса кăтартнă (2007 çулхи сентябрĕн 8-мĕшĕнче «Советская Чувашия» хаçатра пичетленнĕ «Дата 1237 год не вызывает подозрения?»).
Чи малтанах, Михаил Фомин ертсе пынипе, ачасем хушшинче, урамри сцена çинче дартс тата канат туртас енĕпе спорт ăмăртăвĕсем иртрĕç.
Уява Людмила Ермаковăпа Валентина Мочалова ертсе пычĕç. Пурте пĕрле «Асран кайми аки-сухи» юрра шăрантартăмăр. Унтан хăнасене тата курма килнисене çăкăр тăварпа тĕхĕмлĕ сăрапа хăналарĕç. Уявра сумлă хăнасем: Вăрман-Çĕктер ял тăрăх пуçлăхĕ Николай Евгеньевич Хорасев, Шупашкар район депутатсен Пухăвĕн депутачĕ Николай Матюшкин, ЧР салтаксен комитечĕн председателĕ Лариса Егорова, Вăрман-Çĕктер шкулĕн директорĕ Шейхулла Феизов тата вырăнти депутатсем пулчĕç, сăмах тухса каларĕç.
Юрă-кĕвĕпе Малти Ункăпуçĕнчи «Ункăпуç» пултарулăх ушкăнĕ савăнтарчĕ.
Унтан уява Муркаш районĕнчи Шашкартан килсе çитнĕ Петр Андреев купăсçăпа унăн мăшăрĕ Людмила, Атăлъял ялĕнчи Леонид Фадеев поэтăн сăввисемпе çырнă юрăсене шăрантарчĕç.
Николай Смирнов, Атăлъял
Муниципальное бюджетное учреждение «Централизованная клубная система» Чебоксарского района Чувашской Республики