13:38 18 июня 2013 г.
Акчел ялĕн çамрăкĕсем илемшĕн тăрăшса пуçаруллăх кăтартаççĕ.
Вĕсемпе пĕрле вăй питти çынсемпе шкул ачисем те сăваплă ĕçрен пăрăнмаççĕ. Чи малтанах О.Кедров, А.Николаев, С.Карсаков, В.Сардаев пуçаруллă пулнипе ял çывăхĕнче çамрăксен паркне йĕркелесе йывăçсем лартса хăварнă. Унăн йĕри-тавра сетка тытса çавăрнă. Кунтах пĕрлехи вăйпа ĕлкхи пусса тасатса тирпейленĕ, йышпа канса лармалли вырăнсем те йĕркленĕ. Хальхи вăхăтра яш-кĕрĕм куллен çамрăк хунавсене шăварса тăрать. Çитес кĕçнерникун, 20-мĕш июньте, çак лапамра ял кунĕ иртет. Пурне те уява йыхравлатпăр.
Яльчикский территориальный отдел