00:00 25 апреля 2011 г.
«Чăваш чĕлхи – ăс-тăн чечекĕ», - тенĕ Г. Н. Волков. Юрă-кĕвĕ этеме пĕтĕм пурнăç таршшĕпех вĕрентсе пымалли хăватлă мел, асамлă вăй. Тăван халăхăн хитре сăвви- кĕввисемпе, юррисемпе ваййисемпе шкул çулне çитмен ачасене паллаштарас тĕллевпе паян, ака уйăхĕн 25-мĕшĕнче, тăваттăмĕш класра вĕренекенсем шкул çумĕнчи ача садне кайрĕç. Чăваш тумĕ тăханнă ачасене пĕчĕккисем хапăлласах кĕтсе илчĕç. Кĕçĕн класс ачисемпе пĕрле вĕсем хускану вăййисем вылярĕç, вăйă картине тăрса утрĕс. Шкул çулне çитмен ачасене вĕренекенсем «Тух-ха, Ванюк», «Илемлĕ», «Выляма чĕнни», «Мулкач», «Çерем ватса вир акрăм» юрăсем парнелерĕс. Пĕчĕк ачасемпе пĕрле «Амăшĕпе чĕпписем» ятлă вăййа вылярĕç. Чăваш чĕлхи уявĕ пĕчĕк ачасен асĕнче нумайлăха юлĕ.