00:00 09 июня 2008 г.
Çурхи хĕрỹ ĕçсем вĕçленнĕ хыççăн йăлана кĕнĕ тăрăх ял çыннисене хавхалантарма ЗАО "Прогресс" ял хуçалăхĕ июнĕн 6-мĕшĕнче Патреккел улăхĕнче "Акатуй" йĕркелесе ирттерчĕ. Уявра уй-хир ĕçченĕсемпе выльăх-чĕрлĕх пăхакансене саламларĕç, парнесем парса чысларĕç. Çавăн пекех спорт ăмăртăвĕсем те хĕрỹллĕн иртрĕç. Çанталăк ăшă тăмарĕ пулин те çумăрĕ çумасăр чăтрĕ-чăтрех, халăха савăнма чăрмантармарĕ. Халăх 10 сехет çитичченех улăха пуçтарăнчĕ. Улăх çийĕн Патреккел ялĕн гимнĕ мăнаçлăн кĕрлесе кайрĕ. Хор юрласа пĕтерсен чылайччен тăвăллăн алă çупни илтĕнсе тăчĕ улăхра. Патреккел культура çурчĕ çумĕнчи херарăмсемпе арçынсен ансамблĕ килнĕ хăнасене юрăпа та ташăпа савнтарчĕ. ("Сирень", "Утă çулма тухсассăн", "Патреккел", "Савăш курки", "Акăш веçрĕ, куртăр-и" т.ыт.те.)