16:18 26 апреля 2018 г.
Чăваш чĕлхи – тăван чĕлхе
Эс чи пахи, эс – чун уççи
Чăваш чĕлхи – тăван чĕлхе,
Пин чĕлхерен чи çепĕççи.
Чĕрене пырса тивмелле çепĕç вǎл, чǎваш чĕлхи. Хǎйсене хисеплекен кирек мĕнле халǎх та хǎйĕн тǎван чĕлхине пысǎк пуянлǎх вырǎнне хурса хаклать. Аслӑ Вӗрентекенӗмӗр ҫуралнӑ кун, ака уйахӗн 25-мӗшӗнче, пирӗн тӑван халӑхӑмӑр Чӑваш чӗлхи кунне паллӑ тӑвать.
Ҫак куна халалласа культура ӗҫченӗсем Мăнçырмари вăтам шкулта "Чĕлхем, эс чĕрĕлĕх çăлкуçĕ" литература сехечĕ ирттерчĕç. Унта иккĕмĕш класс ачисем хутшǎнчĕç. Ачасем чӑваш чӗлхи пуянлӑхӗпе, И.Я.Яковлев пурнӑҫӗпе, пултаруллӑхӗпе ҫывӑхрах паллашрĕç. Аслӑ Вӗрентекенӗмӗр калавĕсене саспа вулареç. Тăван чĕлхе çинчен ваттисем каланă сăмахсене аса илчĕç, сǎвǎсем пăхмасăр каларĕç, чăваш юриссене шӑрантарчӗҫ.
Ял вулавӑшӗнче Яковлева халалласа библиотека диктанче иртре.
Чǎваш чĕлхи кунне халаланǎ литература сехечĕ пурне те кǎмǎла кайрĕ.
Мусирминский территориальный отдел Урмарского муниципального округа