Новости » «Ветеран» халăх хорĕ – Кĕçĕн Тăван ялĕнче

08:26 12 ноября 2018 г.

  Нумаях пулмасть-ха Кĕçĕн Тăван ялĕнче юсав ĕçĕсем ирттерсе çĕнелнĕ клубра пултарулăх сезонĕ уçăлчĕ. Çак уяв хыççăн çутă та илемлĕ клубра концертсем ирттерме районти тата республикăри пултарулăх ушкăнĕсенчен сĕнÿсем килме пуçларĕç. Хамăр районти «Ветеран» халăх хорĕ вĕсенчен хастартарах пулса иртнĕ шăматкун Кĕçĕн Тăван ялĕнчи куракансене хăйĕн пысăк концерчĕпе савăнтарчĕ. Çĕнетнĕ программăра мĕнле кăна юрă шăранмарĕ-ши? Чăваш тата вырăс композиторĕсен хайлавĕсем, халăх юррисем янăрарĕç хора çÿрекен юрăçсем тăрăшнипе. Кунтах шÿчĕ те чылай пулчĕ, ташши те илемĕпе тыткăнларĕ куракансене. Программине Чăваш Республикин тава тивĕçлĕ концертмейстерĕ, Раççейри тава тивĕçлĕ купăсçă Владимир Терентьев хатĕрлесе йĕркеленĕ. Концерта Надежда Иванова педагогика сумлă ветеранĕ ертсе пыни, хорта пултаруллă ентешсем юрлани ял халăхне питех те килĕшрĕ.

Таутовское сельское поселение Аликовского района