В марте 2005 года прошёл районный смотр-конкурс патриотической песни и музыки «Ликуй, победная весна!», посвящённый 60-летию Победы в Великой Отечественной войне 1942-1945 годов, среди работников образования. Здесь Лариса Ивановна прочитала свои стихотворения, которые она написала по зову сердца и велению души. Предлагаем их вашему вниманию.

Асран тухмаççĕ çав кунсем.

Çĕртме. Хĕрĕх пĕрремĕш çул.

Тин çутăлма пуçланă тул:

Кас-кассăн шăпчăк сас парать,

Шевле сапса хĕвел тухать—

Ирĕ илемлĕн туйăнать.

Анчах çак çутă ирхине

Хура тĕспе асра юлать:

Пирĕн Тăван çĕр-шыв çине

Фашист эшкерĕ тапăнать—

Ылханлă вăрçă пуçланать.

Кашни ялтан та хуларан,

Çĕр-шыв-аннемĕр ыйтнăран,

Вăрçа каяççĕ çамрăксем,

Çулланнă вăйпитти арсем,

Хăйсен ирĕкĕпех – хĕрсем…

Хăрушă пулнă çав кунсем:

ÿхленĕ мина-снарядсем,

Ваннă çĕр хурçă танксемпе,

Тулнă тÿпе йÿç тĕтĕмпе—

Вилнĕ çынсем мĕльюнĕпе.

Мĕн чухлĕ хуйхă, çухату,

Асап, куççулĕ, ырату

Çав вăрçă кÿнĕ халăха:

Пиншерĕн юлнă тăлăха—

Калас та çук пур хурлăха.

Çапла тăватă çул хушши

( Епле чăтса ирттернĕ-ши?!)

Тăшман лăсканă çĕр-шыва.

Пирĕн – çĕнтернĕ çав-çавах!

Паттăрсене – чыс та мухтав!

Унтанпа иртрĕ утмăл çул…

Çĕнтерÿ кунĕ кашни çул

Ас илтерет çав кунсене,

Сума суса салтаксене

Эпир таятпăр пуçсене.

Хуратпăр чĕрĕ чечексем

Сăваплă палăксем умне

Асра тытса ячĕсене.

Калатпăр пĕтĕм кăмăлтан:

—Ан пултăр вăрçă нихăçан!